گلگت بلتستان کے سیاحت اور کھیلوں کے محکمے نے اعلان کیا ہے کہ تین روزہ شندور پولو فیسٹیول کل سے شروع ہوگا۔ دنیا کے بلند ترین پولو گرائونڈ میں خیبرپختونخوا حکومت کے اشتراک سے سالانہ پولو ٹورنامنٹ کا انعقاد ہوگا۔ فیسٹیول میں گلگت بلتستان اور چترال کی ٹیمیں حصہ لیں گی، شندور پولو فیسٹیول کیلئے تیاریوں کو حتمی شکل دے دی گئی ہے۔ یہ فیسٹیول 1980 سے باقاعدگی سے ہورہا ہے جسے عالمی شہرت حاصل ہوئی ہے اور ہزاروں مقامی و غیر ملکی سیاح اس میں شرکت کرتے ہیں۔