وزیراعظم محمد شہباز شریف نےشیخ خالد بن محمد بن زید النہیان کو ابوظہبی کا ولی عہد مقرر ہونے پر مبارکباد دی ہے۔
آج ایک ٹویٹ میں انہوں نےکہاکہ ایک برادر ملک ہونے کی حیثیت سے ہم اپنی مضبوط شراکت داری جاری رکھنے اور خطے اور اپنے عوام کو تابناک مستقبل کےلئے مل کر کام کرنے کے خواہاں ہیں۔
ایک اور ٹویٹ میں وزیراعظم نے شیخ منصور بن زید النہیان کو متحدہ عرب امارات کا نائب صدر بننے پر پاکستان کی حکومت اور عوام کی جانب سے دلی مبارکباد دی۔
انہوں نے کہا کہ امید ہے کہ یہ نیا باب متحدہ عرب امارات اور اس کے عوام کےلئے مزید کامیابیاں اور خوشحالی لائے گا۔