وزیراعظم کے تذویراتی اصلاحات یونٹ کے سربراہ سلمان صوفی نے کہا ہے کہ حکومت ملک بھرمیں سانس کی مصنوعی بحالی کا تربیتی پروگرام جلد شروع کریگی تاکہ شہریوں کو قیمتی انسانی زندگیاں بچانے کے قابل بنایا جاسکے۔ایک نجی نیوز چینل سے گفتگو کرتے ہوئے انہوں نے کہا تربیتی پروگرام مکمل ہونے کے بعد پاکستان دنیا کا واحد ملک بن جائیگا جہاں زیادہ سے زیادہ شہری قیمتی انسانی زندگیوں کو بچانے میں مدد گار ثابت ہونگے۔سانس کی مصنوعی بحالی کا تربیتی پروگرام زندگی بچانے کا ایک طریقہ ہے جس سے ہنگامی صورتحال میں مدد ملتی ہے۔