دفتر خارجہ نے وضاحت کی ہے کہ پاکستانی پاسپورٹ پر واضح طور پر لکھا ہے کہ یہ اسرائیل کے سفر کے لیے کارآمد نہیں۔
پاکستانی صحافیوں کے اسرائیل جانے کے حوالے سے اطلاعات پر ردعمل دیتے ہوئے ترجمان شفقت علی خان نے کہا کہ موجودہ قوانین کے تحت ایسا کوئی دورہ ممکن نہیں۔
انہوں نے اقوام متحدہ کی متعلقہ قراردادوں اور فلسطینی عوام کی امنگوں کے مطابق مسئلہ فلسطین کے منصفانہ اور پُرامن حل کے لیے پاکستان کے غیر متزلزل عزم کا اعادہ کیا۔
ترجمان نے کہا کہ اسرائیل کے بارے میں پاکستان کا موقف بدستور برقرار ہے کہ وہ اسرائیل کو تسلیم نہیں کرتا ۔
