کنٹرول لائن کے دونوں اطراف اور دنیا بھر میں مقیم کشمیری آج بھارت کے یوم جمہوریہ کو یوم سیاہ کے طور پر منارہے ہیں تاکہ عالمی برادری پر یہ دبائو ڈالا جاسکے کہ وہ بھارت کی طرف سے کشمیری عوام کو حق خود ارادیت دینے سے انکار کا نوٹس لے۔
یوم سیاہ منانے کی اپیل کل جماعتی حریت کانفرنس نے کی ہے۔
مقبوضہ جموں و کشمیر میں آج مکمل ہڑتال ہے اور آزاد کشمیر، پاکستان اور دنیا کے مختلف ملکوں کے دارالحکومتوں میں بھارت مخالف مظاہرے اور ریلیاں نکالی جارہی ہیں تاکہ عالمی برادری کو یہ واضح پیغام دیا جا سکے کہ بھارت نے کشمیریوں کے تمام بنیادی حقوق سلب کر رکھے ہیں ۔
آزادجموں وکشمیرمیں ضلع اورتحصیل کی سطح پرریلیوں اورمظاہروں کااہتمام کیاجارہا ہے۔
دارالحکومت مظفرآباد میں کشمیرلبریشن کمیشن اورپاسبان حریت جموں وکشمیرنے یوم سیاہ کے موقع پر ریلیوں کااہتمام کیاہے۔