وزیراعظم عمران خان نے کہا ہے کہ پرامن اور مستحکم افغانستان پاکستان اور خطے کیلئے انتہائی اہم ہے۔
وزیراعظم عمران خان نے ریاض میں مشرق وسطیٰ شاداب اقدام سربراہ اجلاس کے موقع پر اپنے بحرینی ہم منصب شہزادہ سلمان بن حماد بن عیسیٰ الخلیفہ سے ملاقات کی۔انہوں نے کہا کہ انسانی بحران سے بچنے‘ معاشی تباہی روکنے اور افغانستان میں طویل مدتی ترقی اور استحکام کیلئے عالمی برادری کی مستقل اور مثبت بات چیت اہم ہے۔وزیراعظم نے افغان عوام کی مدد کیلئے افغانستان کے منجمد شدہ اثاثے بحال کرنے کی اہمیت پر زور دیا۔
