ورلڈ کشمیرAwarenessفورم نے انسانی حقوق کے بارے میں اقوام متحدہ کے ہائی کمشنر سے اپیل کی ہے کہ وہ بھارتی جیلوں میں قید کشمیری سول سوسائٹی کے رہنماوں کی رہائی کیلئے معاونت اور مداخلت کریں۔ واشنگٹن میں ایک مظاہرے سے خطاب کرتے ہوئے واشنگٹن میں قائم کشمیریوں کے حامی گروپ کے رہنماوں نے کشمیری حریت رہنماوں کی غیرقانونی حراست کی شدید مذمت کی۔ فورم نے ڈیجیٹل اشتہاری ٹرکوں کے ذریعے ایک مہم کا بھی اجرا کیا جس میں بھارت کے غیرقانونی زیر قبضہ جموں و کشمیر میں بھارتی مظالم کو بے نقاب کیا گیا ہے۔
