خیبر پختونخوا حکومت اپنے شمالی علاقہ جات میں موسم سرما کی سیاحت کے فروغ کے لئے سیاحوں کو سہولیات فراہم کرنے سے متعلق اقدامات کر رہی ہے۔تفصیلات کے مطابق سیاحتی مقامات پر سردی پڑنے اور صوبے کے مختلف حصوں میں برفباری کے بعد خیبر پختونخوا کے میدانی علاقوں، وفاقی دارالحکومت اور پنجاب سے بڑی تعداد میں سیاح شمالی علاقہ جات کا رخ کر رہے ہیں۔اِس ضمن میں کاغان ڈویلپمنٹ اتھارٹی نے مانسہرہ، ناران، جھلکڈ روڈ کو ناران تک بحال کر دیا ہے جس سے سیاحوں کو برفباری کے دوران اور اِس کے بعد قدرت کے حسین نظارے دیکھنے کو ملیں گے۔