بینظیر انکم سپورٹ پروگرام مستحق افراد کی مدد کیلئے پورے ملک میں کامیابی سے کام کر رہا ہے۔
یہ بات منصوبہ بندی اور ترقی کے وزیر احسن اقبال نے آج نارووال میں بینظیر ڈائنامک رجسٹری سنٹر کی افتتاحی تقریب سے خطاب کرتے ہوئے کہی۔احسن اقبال نے کہا کہ اس پروگرام کے ذریعے سیلاب زدگان کو مالی مدد کی فراہمی قابل تعریف ہے۔ انہوں نے کہا کہ عوامی بہبود کے منصوبوں کو سیاست سے بالاتر ہونا چاہئے۔غربت کے خاتمے اور سماجی تحفظ کی وفاقی وزیر شازیہ مری بھی ان کے ہمراہ تھیں۔