پاکستان ٹورازم ڈویلپمنٹ کارپوریشن ملک میں مذہبی سیاحت کو فروغ دینے کیلئے جامع منصوبہ بنا رہی ہے جس سے آمدن میں اضافہ ہو گا اور ملک میں مذہبی رواداری کو فروغ ملے گا۔
اسلام آباد میں میڈیا سے گفتگو کرتے ہوئے پی ٹی ڈی سی کے منیجنگ ڈائریکٹر رانا آفتاب نے کہا کہ کارپوریشن ہم جوئی اور ثقافتی سیاحت کے فروغ کیلئے بھی کام کر رہی ہے۔
انہوں نے کہا کہ ہماری ملکی سیاحت کی مارکیٹ پہلے ہی بہت مضبوط ہے، ہر سال ساٹھ لاکھ مقامی سیاح ملک کے مختلف مقامات پر واقع سیاحتی مقامات کا دورہ کرتے ہیں جس سے اربوں روپے کی آمدن ہوتی ہے۔