صدرڈاکٹر عارف علوی نے کہا ہے کہ معاشرے میں خصوصی افراد کے لئے مساوی مواقع پیدا کرنے کے لئے اقدامات کرنے کی ضرورت ہے۔
بدھ کے روزکراچی میں بصارت سے محروم طلبا کے لئے ایک فٹ بال سٹیڈیم کی افتتاحی تقریب سے خطاب کرتے ہوئے ڈاکٹر عارف علوی نے کہا کہ سکولوں اور اساتذہ کو بصارت سے محروم بچوں کی ذمہ داری لینے کے لئے آگے آنا چاہئے۔انہوں نے مزید کہا کہ نابینا بچے جدید ٹیکنالوجی کے ذریعے بہتر کارکردگی کا مظاہرہ کر سکتے ہیں۔صدر نے اس موقع پر اقوام متحدہ میں پاکستان کی بصارت سے محروم سفیر کی مثال بھی پیش کی اور ان کی صلاحیتوں کو سراہا۔