موسمیاتی تبدیلی کی وزیر مملکت زرتاج گل نے کہا ہے کہ وزیراعظم عمران خان نے عالمی فورم پر مختلف مسائل کے بارے میں پاکستان کا موقف موثر طریقے سے اٹھایا ہے۔ بدھ کے روز اسلام آباد میں قانون کے بارے میں پارلیمانی سیکرٹری ملیکہ بخاری کے ہمراہ نیوزکانفرنس سے خطاب کرتے ہوئے انہوں نے کہا کہ وزیراعظم کی شخصیت بین الاقوامی سیاست میں انتہائی اہمیت رکھتی ہے۔وزیر مملکت نے ملک کے رہنماؤں اور اداروں کے خلاف مسلم لیگ (ن) کی نائب صدر مریم نواز کی جانب سے استعمال ہونے والی زبان پر افسوس کا اظہار کیا۔ملیکہ بخاری نے کہا کہ پاکستان مسلم لیگ (ن) کی عدلیہ سمیت اداروں پر حملوں کی ایک تاریخ ہے اور مریم نواز اپنی بدعنوانی چھپانے کے لئے اداروں پر حملے کر رہی ہیں۔