رومانیہ میں پاکستان کے سفیر ڈاکٹر ظفر اقبال نے کہا ہے کہ 95 فیصد سے زائد پاکستانیوں کو یوکرین سے نکال لیا گیا ہے۔

ریڈیو پاکستان کے حالات حاضرہ کے پروگرام میں اظہار خیال کرتے ہوئے انہوں نے کہا کہ یوکرین میں پھنسے پاکستانیوں کو پولینڈ، رومانیہ اور ہنگری کے راستے نکالا گیا ہے۔انہوں نے کہا کہ 130 سے زائد طلباء پہلے ہی اپنی منزل پر پہنچ چکے ہیں اور پروازیں ملنے کی صورت میں مزید 60 طلبا اپنی منزل کی جانب روانہ ہوجائینگے۔ڈاکٹر ظفر اقبال نے کہا کہ انہوں نے سرحدوں کے قریب کیمپ افسز قائم کئے ہیں اور پاکستانی شہری اب ہوٹلوں میں قیام پذیر ہیں جہاں پاکستان کی حکومت کی جانب سے تمام اخراجات کئے جارہے ہیں۔