منصوبہ بندی کے وزیر احسن اقبال نے ملک کی پائیدار ترقی کیلئے برآمدات بڑھانے کے حکومتی عزم کااعادہ کیا ہے۔ آج اسلام آباد میں ایک تقریب سے خطاب کرتے ہوئے انہوں نے کہا کہ چین پاکستان اقتصادی راہداری کے منصوبے کے تحت خصوصی اقتصادی زونز برآمدات میں اضافے کیلئے اہم کردار ادا کریں گے۔
وفاقی وزیر نے کہا کہ معاشی استحکام کے بغیر پائیدار ترقیاتی اہداف حاصل نہیں کئے جاسکتے۔ انہوں نے کہا کہ چین پاکستان اقتصادی راہداری نے پاکستان کو اس کی معیشت میں بہتری لانے کا منفرد مواقع فراہم کیا ہے۔ انہوں نے کہا کہ متعدد ملک سی پیک میں شامل ہونے کے خواہاں ہیں۔