Wednesday, 10 August 2022, 04:31:21 am
پاکستان اور کمبوڈیا کا عوامی روابط میں اضافے پر اتفاق
August 06, 2022

پاکستان اور کمبوڈیا نے ہر سطح پر دوطرفہ روابط اور مذاکرات کو فروغ دینے پر اتفاق کیا ہے تاکہ ثقافتی اور عوامی روابط کو فروغ دیا جا سکے۔

یہ اتفاق رائے آج(ہفتہ) PHNOM PEKIH میں وزیر خارجہ بلاول بھٹو زرداری اور کمبوڈیا کے وزیراعظم HUN SEN کے درمیان آسیان علاقائی فورم کے وزارتی اجلاس کے موقع پر ہونے والی ملاقات میں ہوا۔کمبوڈیا کے وزیراعظم نے پاکستان کے ساتھ دوطرفہ مضبوط تعلقات کی خواہش کا اظہار کیا۔بلاول بھٹو زرداری نے اپنے ریمارکس میں دونوں ملکوں کے درمیان دوستانہ تعلقات کو سراہا اور دوطرفہ تعاون کو مزید مستحکم بنانے کے لئے پاکستان کی گہری دلچسپی کا اظہار کیا۔وزیر خارجہ نے پاکستان کے تکنیکی معاونت کے پروگرام کے ذریعے کمبوڈیا کی معاونت جاری رکھنے کے عزم کا اعادہ بھی کیا۔انہوں نے آسیان کے ساتھ تعلقات کو مزید مستحکم بنانے کی پاکستان کی خواہش کا بھی اظہار کیا۔