پاکستان نے کہا ہے کہ وہ دہشت گردی کے خاتمے کیلئے پرعزم ہے ۔

دفترخارجہ کی ترجمان ممتاز زہرا بلوچ نے افغانستان کے ترجمان ذبیح اﷲ مجاہد کے بیان کے حوالے سے صحافیوں کے سوالات کے جواب میں کہاکہ ہم کابل میں پاکستانی مشن کے سربراہ پردہشت گردی کے حملے کی جاری تحقیقات میں پیشرفت کا بغور جائزہ لے رہے ہیں۔انہوں نے کہاکہ ہم متعلقہ افغان حکام سے مسلسل رابطے میں ہیں اور پراعتماد ہیں کہ حملے کی تحقیقات مکمل کی جائیںگی اور مجرموں اوران کے معاونین کوسزا دی جائے گی۔