وزیراعظم محمد شہباز شریف نے کہا ہے کہ ہم عظیم قربانیاں دینے کے بعد دہشت گردی کو شکست دینے کی صلاحیت رکھتے ہیں کیونکہ فوجیوں اور شہریوں سمیت ہزاروں پاکستانیوں نے اپنی جانوں کا نذرانہ پیش کیا ہے۔ وزیراعظم نے آج (پیر) رات اسلام آباد میں انگلینڈ کرکٹ ٹیم کے اعزاز میں دیے گئے عشائیے سے خطاب کرتے ہوئے کہا کہ یہ ایک تاریخی موقع ہے کہ سترہ سال بعد انگلینڈ کی ٹیم پاکستان آئی ہے بد قسمتی سے آخری دورہ 2005 میں ہوا تھا جب پاکستان کو شدید انتہا پسندی اور دہشت گرد حملوں کا سامنا تھا۔انہوں نے کہا کہ انگلینڈ کے ساتھ پاکستان کے شاندار تعلقات ہیں اور کرکٹ ٹیم اہم عناصر میں سے ایک ہے۔وزیراعظم نے پاکستانی کرکٹ کی حمایت کرنے پر برطانوی ہائی کمشنر اور برطانوی حکومت کا شکریہ ادا کیا۔ انہوں نے راولپنڈی ٹیسٹ میچ میں پاکستان کو ہرانے پر انگلینڈ کرکٹ ٹیم کو مبارکبا د دی۔ وزیراعظم نے ا س موقع پر اوول کے ہیرو فضل محمود اور لٹل ماسٹر کے نام سے معروف حنیف محمد سمیت پاکستانی کرکٹ لیجنڈز کو خراج تحسین پیش کیا۔