کل جماعتی حریت کانفرنس کے نائب چیئرمین شبیر احمد شاہ نے نئی دہلی کی تہاڑ جیل سے اپنے پیغام میں کشمیری عوام سے اپیل کی ہے کہ وہ آج یوم استحصال منا کر دنیا کو یہ پیغام دیں کہ کشمیری جموں و کشمیر پر بھارت کے غیر قانونی قبضہ کو ہرگز تسلیم نہیں کرتے۔کل جماعتی حر یت کانفرنس کے وائس چیئرمین غلام احمد گلزار نے سری نگر کی سنٹرل جیل سے اپنے خصوصی پیغام میں کہا ہے کہ5 اگست کا دن کشمیر کی جدید تاریخ کا ایک افسوسناک اور سیاہ ترین دن ہے اور کشمیری ہمیشہ اسے یوم استحصال یوم سوگ اور یوم سیاہ کے طور پر منائیں گے۔