وزیر خزانہ مفتاح اسماعیل نے کہا ہے کہ حکومت کے دانشمندانہ فیصلوں کے باعث معاشی اشاریے اب مثبت ہیں۔
آج کراچی میں پاکستان سٹاک ایکسچینج کی ایک تقریب سے خطاب کرتے ہوئے انہوں نے کہا کہ درآمدات پر قابو پانے اور برآمدات بڑھانے کےلئے اقدامات کئے جارہے ہیں تاکہ معیشت مستحکم ہو۔
وزیر خزانہ نے کہا کہ موجودہ حکومت نے سابق حکومت کی غلط پالیسیوں کی بھاری قیمت چکائی ہے۔
انہوں نے کہا کہ حکومت کے پاس تیل و گیس کی سبسڈی ہٹانے کے سوا کوئی آپشن نہیں تھا۔
وزیرخزانہ نے کہا کہ قومی معیشت کے استحکام کےلئے ٹیکس بیس بڑھانے کے حوالے سے نئے اقدامات کئے گئے ہیں۔
انہوں نے کہا کہ قرضہ پروگرام کے احیا کےلئے آئی ایم ایف کے مثبت ردعمل کے بعد روپے کی قدر میں اضافہ ہورہا ہے۔