پنجاب کے وزیر اعلی چودھری پرویز الہی نے متعلقہ حکام کو صحت عامہ کے منصوبے تیزی سے مکمل کرنے کی ہدایت کی ہے۔ لاہور میں ایک اجلاس کی صدارت کرتے ہوئے انہوں نے رواں ماہ کے دوران ہی لاہور کے گنگارام ہسپتال میں زچہ بچہ مرکز مکمل کرنے کی ہدایت کی۔ انہوں نے کہا کہ جناح ہسپتال لاہور میں 256 بستروں پر مشتمل ٹراما اور ایمر جنسی بلاک جلد فعال ہوجائے گا۔ انہوں نے کہا کہ ضلعی ہیڈ کوارٹرز ہسپتال گوجرانوالہ کو پانچ سو بستروں پر مشتمل ٹیچنگ ہسپتال میں جبکہ ڈی ایچ کیو ساہیوال کو 773 بستروں پر مشتمل ٹیچنگ ہسپتال میں اپ گریڈ کیا جائے گا۔