بھارت کے غیرقانونی زیرقبضہ جموں وکشمیر میں کل جماعتی حریت کانفرنس کے رہنما ایڈووکیٹ دیوندرسنگھ بھیل نے عالمی برادری پرزوردیا ہے کہ وہ اقوام متحدہ کی سلامتی کونسل کی قراردادوں کے مطابق کشمیر کا مسئلہ حل کرائے۔انہوں نے جموں میں ایک بیان میں کہاکہ مسئلہ کشمیر پاکستان اور بھارت کے درمیان کشیدگی کی بڑی وجہ ہے اوراس مسئلے کے حل تک خطے میں پائیدار امن قائم نہیں ہوسکتا۔انہوں نے کہاکہ پاکستان نے ہرفورم پر اس مسئلے کو اقوام متحدہ کی قراردادوں اور کشمیریوں کی خواہشات کے مطابق حل کرنے کی حمایت کی جبکہ بھارت کشمیریوں اور عالمی برادری سے کئے گئے وعدوں سے انحراف کررہا ہے ۔