فائل فوٹو

امورکشمیر کے وزیرقمر زمان قائرہ نے کہا ہے کہ وزیراعظم محمد شہبازشریف نے تمام بین الاقوامی فورمز پرمسئلہ کشمیر کواجاگرکیا ہے اورپاکستان کی حکومت اورعوام حق خودارادیت کے حصول کی جدوجہد میں اپنے کشمیری بھائیوں کی حمایت جاری رکھیںگے۔

انہوں نے مظفرآباد کے علاقے CHEHLA میں پناہ گزینوں کے کیمپ میں ایک تقریب کے موقع پر اظہار خیال کرتے ہوئے کہا کہ وزیرخارجہ بلاول بھٹوزرداری عالمی سطح پر مسئلہ کشمیر کو اٹھا رہے ہیں۔قمر زمان قائرہ نے کہاکہ معاشی بحران کے باوجود وفاقی حکومت نے کشمیری پناہ گزینوں کیلئے ایک ہزار تین سو چودہ گھروں کی تعمیر کیلئے تین ارب روپے فراہم کیے ہیں۔انہوں نے کہاکہ حکومت کشمیری مہاجرین کو درپیش تمام مسائل حل کرے گی۔