مذہبی امور اور بین المذاہب ہم آہنگی کے وزیر مفتی عبدالشکور نے کہا ہے کہ اسلام اور آئین پاکستان کے تحت تمام مذاہب سے تعلق رکھنے والے لوگوں کے یکساں حقوق ہیں۔اسلام آباد میں بشپ آف یورپ Robert Neil Anas کی قیادت میں ایک وفد سے گفتگو کرتے ہوئے انہوں نے کہا کہ اسلام میں جبر کی کوئی گنجائش نہیں ہے۔وفاقی وزیر نے کہا کہ پاکستانی علماء کا متفقہ نقطہ نظر ہے کہ دہشتگردی حرام ہے اور اس کا اسلام سے کوئی تعلق نہیں انہوں نے کہا کہ اس سلسلے میں پیغام پاکستان ایک منفرد دستاویز ہے جس پر ہزاروں قومی اور بین الاقوامی علماء نے دستخط کئے ہیں۔بشپ آف یورپ نے پشاور سانحے پر دلی افسوس اور دکھ کا اظہار کیا اور شہداء کے خاندانوں کے ساتھ تعزیت کی۔انہوں نے سویڈن میں قرآن کی بے حرمتی کے واقعے کی بھی مذمت کی اور کہا کہ اس طرح کے مکروہ واقعات کو برداشت نہیں کیا جاسکتا جن سے تمام مسلمانوں کے مذہبی جذبات مجروح ہوتے ہیں۔