وزیر خارجہ بلاول بھٹو زرداری نے جمعہ کے روز اسلام آباد میں مینگو فیسٹیول کا افتتاح کر کے پاکستان کے قیام کے 75 برس مکمل ہونے کے سلسلے میں تقریبات کا آغاز کر دیا۔اس موقع پر اظہار خیال کرتے ہوئے انہوں نے کہا کہ پاکستانی آم دنیا میں سب سے بہترین اور میٹھے ترین ہیں۔وزیر خارجہ نے عالمی برادری کے ساتھ مل کر کام کرنے پر زور دیا کہ اس بات کو یقینی بنایا جائے کہ دنیا بھر کے لوگ پاکستانی آم کے اس خزانے تک رسائی حاصل کر سکیں۔یہ بات قابل ذکر ہے کہ پاکستان آم کی دو سو سے زائد اقسام پیدا کرتا ہے۔ آم کی متعدد اقسام میں چونسہ، سندھڑی، انور رٹول اور دوسہری شامل ہیں جو فیسٹیول میں رکھے گئے تھے۔اسلام آباد میں سفارتکاروں کی بڑی تعداد نے تقریب میں شرکت کی۔