گلگت بلتستان میں وزیر اعلیٰ کی صحت بیمہ سکیم کے پروجیکٹ ڈائریکٹر سید اشتیاق حسین نے کہا ہے کہ اگلے سال کے دوران مستحق خاندانوں کو 25 ہزار صحت کارڈز جاری کئے جائیں گے۔
ایک انٹرویو میں انہوں نے کہاکہ پہلے مرحلے میں پانچ ہزار پانچ سو سے زائد کارڈز گلگت میں تقسیم کئے جائیں گے اور 35 ہزارسے زائد افراد مفت علاج کی سہولت سے مستفید ہوں گے۔
انہوں نے کہاکہ سکیم کا دوسرا مرحلہ غذر، گھانچے ، ہنزہ اورنگر میں شروع کیا جائے گا جس کے لئے 30 لاکھ روپے مخص کئے گئے ہیں۔
انہوں نے کہاکہ جرمن حکومت کے ادارے کے ایف ڈبلیو دوسرے مرحلے کےلئے مالی تعاون فراہم کرنے پر رضا مندی ظاہر کی ہے۔