لاہور میں ایک اجلاس کی صدارت کرتے ہوئے وزیراعلیٰ نے تمام متعلقہ محکموں کو ہدایت کی کہ وہ صوبے میں مون سون کے ممکنہ سیلاب سے نمٹنے کیلئے چوبیس گھنٹے چوکس رہیں۔
انہوں نے فیصل آباد اور دیگر بڑے شہروں میں بارش کا پانی ذخیرہ کرنے کیلئے زیر زمین پانی کے حوض تعمیر کرنے کی ہدایت کی اور کمشنروں سے کہا کہ وہ اس حوالے سے واسا کی مشاورت سے ایک لائحہ عمل تیار کریں۔
انہوں نے کہا کہ صوبائی حکومت نے سیلاب سے پیدا ہونے والی کسی بھی صورتحال سے نمٹنے کیلئے انتظامیہ کو تمام ممکنہ وسائل فراہم کرنے کا فیصلہ کیا ہے۔