اقوام متحدہ کے سیکرٹری جنرل انتونیو گوتریز نے امن اور استحکام کے حصول کے لئے افغانستان کی حکومت اور عوام کی کوششوں کی حمایت کے عزم کا اعادہ کیا ہے۔ہرات میں اقوام متحدہ کے کمپائونڈ پر حملے کے بعد ایک بیان میں انہوں نے کہا کہ عالمی قوانین کے مطابق اقوام متحدہ کے اہلکاروں اور دفاتر پر حملوں کی ممانعت ہے اور یہ جنگی جرم تصور کیا جا سکتا ہے۔افغانستان میں اقوام متحدہ کے اعانتی مشن کے سربراہ DEBORAH LYONS نے بھی حملے کو قابل افسوس قرار دیا ہے۔