ممتاز تجزیہ کاروں نے کہا ہے کہ خطے میں تمام تصفیہ طلب مسائل مذاکرات کے ذریعے حل کرنے کیلئے خطے کے ملکوں کو مل کر بیٹھنا ہوگا۔
ریڈیو پاکستان کے خبروں اور حالات حاضرہ چینل سے گفتگو کرتے ہوئے انہوں نے کہا کہ پاکستان ایک فعال جمہوری ملک ہونے کی حیثیت سے علاقائی امور میں اپنی اہمیت منوا رہا ہے۔بین الاقوامی تعلقات کی ماہر ڈاکٹر طلعت وزارت نے پروگرام " نقطہ نظر" میں حصہ لیتے ہوئے کہا کہ موسمیاتی تبدیلی، خوراک اور توانائی ، عدم مساوات اسلام کے خلاف نفرت انگیز رویہ اور غربت خطے کے بڑے مسائل ہیں جنہیں حل کرنے کیلئے مشترکہ کوششوں کی ضرورت ہے۔