نیشنل کمانڈ اینڈ آپریشن سینٹر نے کورونا وائرس کی وباء کے باعث بند کئے گئے معیشت کے مزید شعبوں کو دوبارہ کھولنے کے فیصلے کو حتمی شکل دینے کیلئے صوبوں سے سفارشات طلب کی ہیں۔
منصوبہ بندی اور ترقی کے وزیر اسد عمر کی زیر صدارت اسلام آباد میں ایک اجلاس میں کورونا وائرس کی وباء کی روک تھام سے متعلق طویل اور قلیل مدتی حکمت عملی کا جائزہ لیا گیا۔نیشنل کمانڈ اینڈ آپریشن سینٹر نے تجویز دی کہ تعلیمی ادارے اگست تک بند رکھے جائیں اور شادی ہالوں کو مہمانوں کی محدود تعداد ون ڈش اور مقررہ ضابطہ کار پر سختی سے عملدرآمد کی صورت میں دوبارہ کھولنے کی مشروط اجازت دی جائے۔اجلاس میں کورونا وائرس کی وباء سے بچائو کی معلوماتی اور آگاہی مہم کو مزید موثر بنانے کی ضرورت پر زوردیاگیا۔(این این آر، وہاج بشیر)