فائل فوٹو
چین میں پاکستان کی سفیر نغمانہ عالمگیر ہاشمی نے کہا ہے کہ اسلام آباد اور بیجنگ معاشی اور تجارتی تعلقات کو اپنے سیاسی تعلقات کے برابر لانےکی کوشش کررہے ہیں۔
چین کے اخبار پیپلز ڈیلی آن لائن کو انٹرویو دیتے ہوئے انہوں نے کہا کہ پاکستان اور چین کے درمیان دوطرفہ تعاون باہمی مفاد کےساتھ مثبت نتائج کا باعث ہے۔
پاکستانی سفیر نے کہا کہ دونوں ممالک اب ان کامیابیوں کو آگے بڑھاتے ہوئے دیگر شعبوں تک توسیع دینے کے خواہاں ہیں اور پاکستان کے عوام کی سماجی و معاشی ترقی کےلئے کئی منصوبوں پر مل جل کر کام کررہے ہیں۔