جنگ گروپ کے چیئرمین اور پبلشر میرجاوید الرحمن آج (منگل)کراچی میں انتقال کرگئے۔
وہ پھیپھڑوں کے سرطان میں مبتلا تھے۔
ادھر اطلاعات ونشریات کیلئے وزیراعظم کی معاون خصوصی ڈاکٹر فردوس عاشق اعوان نے جنگ گروپ کے چیئرمین میرجاوید الرحمن کے انتقال پرگہرے دکھ اور غم کا اظہار کیا ہے۔
اپنے تعزیتی پیغا م میں انہوں نے کہا کہ میرجاوید الرحمن کی صحافت کیلئے خدمات ہمیشہ یاد رکھی جائیںگی ۔
انہوں نے اﷲ تعالی سے دعا کی کہ وہ مرحوم کے اہل خانہ کو یہ ناقابل تلافی نقصان صبراور حوصلے سے برداشت کرنے کی ہمت عطا کرے اور مرحوم کے بلند درجات کیلئے دعا کی ۔