ممتاز پاکستانی فلمی اداکارہ اور لولی وڈسٹار شان شاہد کی والدہ نیلو بیگم گزشتہ شب لاہور میں انتقال کرگئیں۔ان کی عمر اسی برس تھی۔ نیلو بیگم طویل عرصہ سے علیل تھیں اور ایک ہسپتال میں داخل تھیں۔ ان کا اصل نام Cynthia Alexender Fernandez تھا اور اسلام قبول کرنے کے بعد انہوں نے اپنا نام تبدیل کرکے عابدہ ریاض رکھ لیا تھا۔
وزیراعظم عمران خان نے معروف فلمی اداکارہ اور اداکار شان کی والدہ نیلو بیگم کے انتقال پر گہرے دکھ اور افسوس کا اظہا ر کیا ہے۔
انہوں نے آج(اتوار) ایک ٹویٹ میں کہاکہ وہ اداکار شان شاہد سے ان کی والدہ کے انتقال پر تعزیت کرتے ہیں اور ان کیلئے دعاگو ہیں۔