ممتاز تجزیہ نگاروں نے کہا ہے کہ امریکی صدر ڈونلڈ ٹرمپ کی پالیسیوں سے عملی طور پر تقسیم پیدا ہوئی ہے اور جس کے نتیجے میں امریکہ میں عدم تحفظ میں اضافہ ہوا ہے۔ آج ریڈیو پاکستان کے خبروں اور حالات حاضرہ کے چینل کے ساتھ انٹرویو میں ممتاز تجزیہ نگار ریٹائرڈ لیفٹیننٹ جنرل عبدالقیوم نے کہاکہ ڈونلڈ ٹرمپ کا پہلا سال امریکی تاریخ میں انتہائی متنازعہ رہا ہے۔ انہوں نے کہاکہ صدر ٹرمپ نے پالیسی تبدیل کرکے سرد جنگ کا آغاز کیا ہے انہوں نے کہاکہ امریکہ نے دہشت گردی کو جنم دیا ہے اورافغانستان میں کشیدہ صورتحال کا سہرا بھی امریکہ کے سرجاتا ہے۔تجزیہ نگار ڈاکٹر محمد خان نے کہاکہ امریکی تھنکس ٹینک نے کہاہے کہ امریکہ نے داعش کو بنانے میں اہم کردارادا کیا ہے۔امریکہ کے لئے پاکستان کی سابقہ سفیر سیدہ عابدہ حسین نے کہاکہ امریکی نئی پالیسی اس کی جاری پالیسی میں توسیع ہے۔