سندھ کابینہ نے آج کراچی میں وزیراعلیٰ سید مراد علی شاہ کی زیر صدارت اجلاس میں صوبے کے اضلاع ملیر، جام شورو اورٹھٹھہ میں گیس پائپ لائن بچھانے کےلئےسوئی سدرن گیس کمپنی کو اراضی دینے کی باضابطہ منظوری دےدی ہے۔ کابینہ نے صوبے کے بیس اضلاع کو آفت زدہ قرار دینے کی بھی منظوری دی۔ کابینہ نے فیصلہ کیا کہ آٹے کی ملوں کواگلے مہینے کی پندرہ سے بیس تاریخ کےدوران گندم جاری کی جائے گی جبکہ قیمت کا تعین اگلے مہینے کی دس تاریخ کو ہوگا۔