غربت کے خاتمے کے بارے میں معاون خصوصی ڈاکٹر ثانیہ نشتر نے کہا ہے کہ حکومت احساس کفالت پروگرام کے ذریعے ملک کے ایک سو تیس اضلاع میں بلا سود قرضے فراہم کر رہی ہے۔پاکستان ٹیلی ویژن نیوز سے گفتگو کرتے ہوئے انہوں نے کہا کہ حکومت شفاف نظام کے ذریعے ملک بھر میں مستحق طلبہ کو پچاس ہزار وظائف بھی فراہم کر رہی ہے۔ایک سوال کے جواب میں ثانیہ نشتر نے کہا کہ طلباء کی نسبت طالبات زیادہ وظائف حاصل کر رہی ہیں۔احساس کفالت پروگرام کے ذریعے ملک بھر میں ایک کروڑ تیس لاکھ افراد کو ماہانہ دو ہزار روپے کی مالی امداد فراہم کی جائے گی۔