پاکستان اور چین نے حالیہ برسوں میں سدابہار تذویراتی شراکت داری اور مختلف شعبوں میں دوطرفہ تعاون کو مزید وسعت دی ہے۔
یہ بات چین میں پاکستان کی سفیر نغمانہ ہاشمی نے چینی خبررساں ادارے کو xinhuwaکو ایک انٹرویو میں کہی ۔انہوں نے کہاکہ دونوں ملکوں سے تجارت ، بنیادی ڈھانچے ، صنعت اور ثقافت کے شعبوں میں تعاون کے فروغ کیلئے دوطرفہ تعاون کے متعدد معاہدوں پر دستخط کئے اور اس تعاون پر عملدرآمد یقینی بنانے کے لئے مختلف طریقہ کار وضح کئے۔کورونا وائرس کے خلاف جنگ سے متعلق انہوں نے کہاکہ پاکستان کی حکومت اور عوام چین کے دوستوں کی فراخدلی اور گرمجوشی کی بہت قدر کرتے ہیں ۔