فائل فوٹو
ناگہانی آفات سے نمٹنے کے انتظامی ادارے کے چیئرمین لیفٹیننٹ جنرل محمد افضل نے کہا ہے کہ سرکاری شعبے کے ہسپتالوں میں کورونا وائرس سے متاثرہ مریضوں کو فراہم کی گئی سہولتوں کا جائزہ لینے کیلئے صوبوں کے تعاون سے ایک کمیٹی تشکیل دی جائے گی۔
ایک نجی نیوز چینل سے گفتگو کرتے ہوئے انہوں نے کہا کہ کورونا وائرس کی روک تھام کیلئے پہلے ہی موثر اقدامات کئے گئے ہیں۔
چیئرمین این ڈی ایم اے نے لوگوں سے کہا کہ وہ قواعد و ضوابط پر عمل کریں سماجی فاصلہ برقرار رکھیں ہاتھ ملانے سے گریز کریں گھروں میں رہیں ماسک اور دستانے پہنیں جس سے انہیں خود کو کورونا وائرس سے محفوظ رکھنے میں مدد ملے گی۔