وزیر خارجہ بلاول بھٹو زرداری نے کہا ہے کہ عالمی برادری کو دنیا میں موسمیاتی تبدیلی سے پیدا شدہ مسائل سے نمٹنے کیلئے مشترکہ لائحہ عمل اختیار کرنا چاہئے۔وہ آج شام اسلام آباد میں سفیروں کے اعزاز میں دیئے گئے افطار ڈنر سے خطاب کر رہے تھے۔وزیر خارجہ نے کہا کہ ایسے بھی ملک ہیں جن کا موسمیاتی تبدیلی میں بالکل کوئی کردار نہیں لیکن وہ اس کے اثرات بھگت رہے ہیں۔انہوں نے کہا کہ پاکستان کو درپیش بے پناہ چیلنجز کے باوجود ہم دنیا کے نادار اور کمزور طبقات کی فلاح کو یقینی بنانے کے حوالے سے عالمی کوششوں کا حصہ بننے کے لئے کوشاں رہیں گے۔