خیبرپختونخوا کے اطلاعات کے بارے میں وزیراعلیٰ کے مشیر اجمل وزیر نے کورونا وائرس کا پھیلاؤ روکنے کے حوالے سے صوبے کے عوام کے تعاون کو سراہا ہے۔
ایک انٹرویو میں انہوں نے کہا کہ تمام متعلقہ حکام اس وباء پر قابو پانے کیلئے حکومت کی طرف سے جاری کئے گئے قواعدوضوابط پر عمل درآمد کررہے ہیں۔
وزیراعلیٰ کے مشیر نے کہا کہ صوبے میں آٹے کی کوئی قلت نہیں ہے اور اس وقت حکومت کے پاس ایک لاکھ اسی ٹن گندم کا ذخیرہ موجود ہے۔
انہوں نے کہا کہ وزیراعلیٰ صوبے میں جاری لاک ڈائون کی بذات خود نگرانی کررہے ہیں۔