پاکستان میں سعودی عرب کے سفیر نواف بن سعید المالکی نے منگل کے روز اسلام آباد میں خیبرپختونخوا کے گورنر شاہ فرمان سے ملاقات کی۔
انہوں نے خیبرپختونخوا میں زیتون اور شہد کی پیداوار اور اس کی بیرون ملک برآمد سمیت باہمی مفادات کے معاملات پر تبادلہ خیال کیا۔سفیر نے منصوبے میں گہری دلچسپی ظاہر کی اور اس شعبے میں سرمایہ کاری کرنے کی خواہش کا اظہار کیا۔شاہ فرمان نے کہا کہ زیتون اور شہد کی پیداوار کا منصوبہ انتہائی اہمیت کا حامل ہے جس سے مقامی لوگوں کے لئے روزگار کے مواقع بھی پیدا ہونگے۔
