اقوام متحدہ میں پاکستان کے مستقل مندوب منیر اکرم نے فلسطینی عوام کے ساتھ یکجہتی کے عالمی دن کے موقع پر ایک پیغام میں کہا ہے کہ پاکستان ہمیشہ فلسطینی عوام کا سرگرم حامی رہا ہے۔
انہوں نے کہا کہ فلسطینیوں کے حق خودارادیت اور ایک خود مختار فلسطینی ریاست کے بروقت قیام کا مطالبہ پاکستان کی خارجہ پالیسی کا اہم جزو ہے۔
منیر اکرم نے کہا کہ پاکستان فلسطینیوں کے حق خودارادیت اور آزاد ریاست کے حصول کےلئے ان کی مستقل حمایت جاری رکھے گا۔
