پنجاب کی وزیر صحت ڈاکٹر یاسمین راشد نے کہا ہے کہ کورونا وائرس سے متعلق ضابطہ کار پر مناسب عملدرآمد نہ ہونے کی وجہ سے وبا کے پھیلاؤ میں شدت آگئی ہے۔
لاہور میں ایک نیوز کانفرنس سےخطاب کرتے ہوئے انہوں نے کہا کہ چہرے پر ماسک پہننے سے وائرس کے پھیلاؤ میں ستر فیصد تک کمی آسکتی ہے۔
انہوں نے کہا کہ پنجاب میں طبی عملے کے تیرہ ہزار چھ سو سے زائد افراد بھی کوروناوائرس سے متاثرہ ہوئےہیں۔
ڈاکٹر یاسمین راشد نے حزب اختلاف کی جماعتوں پر زوردیاکہ وہ عوام کی صحت کو ترجیح دیتے ہوئے اپنے جلسے موخر کردیں۔