وزیر داخلہ محسن نقوی نے کہا ہے کہ سی پیک کے منصوبوں نے پاک چین دوستی کو نئی بلندیوں تک پہنچا دیا ہے۔
انہوں نے یہ بات آج(اتوار) لاہور میں چین کے قونصل جنرل ژاؤ شیرین سے ملاقات کے دوران کہی۔
وزیرداخلہ نے چین کے قونصل جنرل کو چین کے قومی دن کی مبارکبا د دی۔
انہوں نے باہمی دلچسپی کے امور اور دوطرفہ تعلقات کو مزید مستحکم بنانے پر تبادلہ خیال کیا۔
انہوں نے کہا کہ چین پاکستان کا سب سے زیادہ قابل اعتماداور وفادار دوست ہے اور اس کی ترقی کی تیز رفتار سب کے لئے ایک مثال ہے۔
وزیر داخلہ نے کہا کہ پاکستان کی معیشت کو مستحکم بنانے میں چین کا تاریخی کردار ناقابل فراموش ہے۔
