منصوبہ بندی اور ترقی کے وزیر احسن اقبال نے کہا ہے کہ ملک کی معاشی ترقی سیاسی استحکام اور علم کے فروغ سے براہِ راست منسلک ہے۔
انہوں نے شیخوپورہ میں ایک تقریب سے خطاب کرتے ہوئے کہا کہ اگر ہم اپنے ملک کو مضبوط دیکھنا چاہتے ہیں تو ہمیں امن و استحکام یقینی بنانا ہوگا۔
انہوں نے کہا کہ اللہ تعالیٰ نے ہمارے پیارے نبی خاتم النبیین حضورِ اکرم صلی اللہ علیہ وسلم پر قرآن حکیم کی صورت میں علم و حکمت کا خزانہ نازل کیا اور پیغام دیا کہ آنے والا وقت علم کا ہے۔
وفاقی وزیر نے کہا کہ ہم نے اپنی روزمرہ زندگی میں علم اور دینی تعلیمات پر عمل کا راستہ چھوڑ دیا ہے جس کی وجہ سے ہم مشکلات کا شکار ہورہے ہیں۔