پاکستان انسٹی ٹیوٹ آف لجسلیٹوڈویلپمنٹ اینڈ ٹرانسپرنسی رواں سال کے آخر تک مرکز اور دو صوبوں میں پاکستان تحریک انصاف کی حکومت کی ایک سالہ کارکردگی کے بارے میں رپورٹ جاری کرے گا۔ریڈیوپاکستان کے نمائندے زاہد حمید کے ساتھ ایک انٹرویو میں پلڈاٹ کے صدر احمد بلال نے کہاکہ پاکستان تحریک انصاف کے سو دن کے پروگرام اور چھ ماہ کی تکمیل کے حوالے سے رپورٹیں پہلے ہی جاری کی جاچکی ہیں۔انہوں نے کہاکہ پلڈاٹ نے یوتھ پولٹیکل فیلو شپ پروگرام شروع کیا ہے جو خصوصاً ان نوجوانوں کیلئے ہے جو کسی پارٹی کے رکن ہیں ۔