وزیراعظم عمران خان نے جیلوں میں خواتین کی حالت زار پر مشاہدے اور تحقیقات کیلئے ایک کمیٹی بھی تشکیل دی ہے ۔انسانی حقوق کی وزیر کو کمیٹی کا چیئرپرسن بنادیاگیا ہے ۔کمیٹی چار ماہ کے اندر اپنی رپورٹ پیش کرے گی کمیٹی خواتین قیدیوں کی حالت زار بہتر بنانے کیلئے ملک میں قیدیوں کے نظم ونسق کا ایک جامع اور قابل عمل نظام تجویز کرے گی ۔کمیٹی خواتین قیدیوں کی حالت بہتر بنانے کیلئے صنفی اعتبار سے مخصوص تبدیلیاں تجویز کرنے کے تناظر میں جیل کے قواعدوضوابط اور متعلقہ قوانین کا جائزہ لے گی ۔کمیٹی جیلوں میں خواتین کے ہمراہ بچوں کی صورتحال کا بھی جائزہ لے گی اورایسے بچوں کو قومی دھارے میں لانے کیلئے مدد دینے کیلئے ان کی تعلیم اورانھیں معاشرے کا حصہ بنانے پرکام کرے گی ۔