وزیرداخلہ رانا ثنا اللہ نے کہا ہے کہ سپریم کورٹ کا فل بنچ انتخابات کے معاملے میں ابہام کو دور کرسکتا ہے۔ انہوں نے آج اسلام آباد میں سپریم کورٹ کے باہر صحافیوں سے گفتگو کرتے ہوئے کہا کہ ہم امید کرتے ہیں کہ سپریم کورٹ ملک میں قانون کی بالادستی کیلئے اپنا کردار ادا کرے گی۔ جمعیت علمائے اسلام(ف) کے رہنما مولانا عبدالغفور حیدری نے اس موقع پر کہاکہ آئین و قانون میں کوئی بھی ابہام صرف پارلیمنٹ دور کرسکتی ہے۔