گلگت بلتستان میں ایک ہفتے کے دوران کوروناوائرس ٹیسٹ کےلئے مزید تین لیبارٹریز قائم کی جائیں گی۔
یہ بات گلگت بلتستان کے وزیراعلیٰ حافظ حفیظ الرحمن نے ایک نجی ٹی وی چینل سے بات چیت کرتے ہوئے کہی۔
انہوں نے کہا کہ آرمی چیف اور چیئرمین این ڈی ایم اے نے علاقے میں لیبارٹریز قائم کرنے کی یقین دہانی کروائی ہے تاکہ مقامی سطح پر تمام ٹیسٹ کئے جاسکیں۔
وزیراعلیٰ نے کہاکہ گلگت بلتستان حکومت نے گیارہ سو کمروں کی گنجائش والے 15ہوٹلز کرائے پر لئے ہیں اور وبا پر قابو پانے کےلئے 370 افراد کو قرنطینہ میں منتقل کیا۔
انہوں نے کہا کہ کورونا سے متاثر ہ تمام مریضوں کی حالت تشویشناک نہیں ہے اور انہیں متوازن غذا فراہم کی جارہی ہے۔