انہوں نے یہ بات جمعرات کے روز اسلام آباد میں ایک اجلاس کی صدارت کرتے ہوئے کہی جس میں انھیں حادثے کی جاری تحقیقات میں اب تک کی پیشرفت سے متعلق بریفنگ دی گئی عمران خان نے کہاکہ تحقیقات کے تمام حقائق اور تفصیلات منظر عام پر لائی جائیں گی ۔وزیراعظم نے شہید مسافروں کے اہل خانہ کو امدادی رقم دینے کی ہدایت کی۔ عمران خان نے کہاکہ ان گھروں اوراملاک کے مالکان کیلئے بھی ایک پیکج تیار کیاجارہا ہے جن کی املاک کو حادثے میں نقصان پہنچا۔کراچی طیارہ حادثے کو ایک بڑا سانحہ قراردیتے ہوئے انہوں نے کہاکہ ہم مشکل کی اس گھڑی میں غمزدہ خاندانوں کے غم میں شریک ہیں۔وزیراعظم نے سول ایوی ایشن ، پی آئی اے اور دیگر متعلقہ اداروں کو ہدایت کی کہ وہ فضائی سفر کو محفوظ بنانے کیلئے اقدامات کریں۔