سابق وزیراعظم محترمہ بے نظیر بھٹو کا بدھ کے روز دسواں یوم شہادت منایا گیا۔اس موقع پر گڑھی خدا بخش بھٹو میں مرکزی تقریب اور جلسے کا اہتمام کیا گیا ہے۔
قومی اسمبلی کے سپیکر سردارایاز صادق نے ایک پیغام میں محترمہ بے نظیر بھٹو کے قتل کو ملک کی سیاسی تاریخ کا بڑا سانحہ قرار دیا ہے۔انہوں نے کہاکہ وہ ہمیشہ مفاہمت اور رواداری پر یقین رکھتی تھیں۔
سپیکرنے کہاکہ بے نظیر بھٹو دور اندیش رہنما تھیں جنہیں ہمیشہ یاد رکھا جائے گا۔